commercial muna.

naalala ko lang, kasi kanina wala akong magawa, hindi naman ako nakagawa ng entry para dito, kaya share ko muna sa inyo ang isa sa pinakamasasayang incidente ng buhay ko.

nung 4th year h.s. ako may naging ST (student teacher) kami, naging ganun dina ako. anyway, pretty talaga yun, mabait, at higit sa lahat nasa akin yung phone number nya, at close din kami (hehe).

crush ko nga yun nun, pero san ka pa, kahit ST namin yun eh nagagawa ko dun yung bagay na usong-uso nung panahon na yun: takipan ng mga mata at pahuhulaan kung sino. syempre uso, kaya ginagawa ko rin yun sa kanya. yung nga lang nahuhulaan naman nya na ako yun. malas lang.

tapos ang intro.

eto na ngayon, nung 1st year college na ako sa bulsu, syempre medyo wirdo kasi noon mo pa lang kinakabisa yung lugar. natatandaan ko nasa ilalim kami nun nung mga barkada ko kasi may jamming session kami after lunch. may nakita ako: isang pretty na maputing babae, "si ma'am yun ah. hehehe."

super sneak pa ako para hindi ako mahalata. mabilis pa sa alas kwatro kong tinakpan ang mata niya at unti-unting hinarap ang mukha nya sa akin. (hindi ko pinapansin ang dalawa pa nyang kasamang mga girls din na nagsasabing, "sino yan?")

ayan na, moment of truth na. unti-unti kong tinanggal ang mga kamay ko, hindi nya kasi mahulaan kung sino.

BULAGA!!!!...

mabilis akong tumalikod at naglakad pabalik sa mga kabarkada ko habang sinasabi kong "sorry, sorry." hindi pala si ma'am yun. ngek!!! *ito nga pala ang most embarrassing moment ko na hindi ko pa nilalagay sa kahit na anong slum book sa mundo. susunod lang yung nalaglag yung kendi ko habang nagtuturo nung ST pa ako.

totoo pala yung kasabihang: "shit happens." :-)