*para kay iceberg 03/08/05 (12:00pm)
(noong panahong lumulutang pa sya sa aking isip)

natunghayan ko na naman ang pagkaway ng mga dahon
sa napadaang hangin.
nalungkot tuloy ako at nainggit ng maisip kong
"sana kinakawayan mo rin ako."

sabay sa patak ng ulan ang mga luhang gumulong
mula sa aking mga mata habang minamasdan ko
ang liwanag ng kidlat ng humahalik sa lupa
---kelan kaya kita mahahagkan?

ngumiti na naman ang buwan habang nakatitig ako sa papawirin
at hinahanap ang big dipper---
pero yung ngiting galing sa'yo,
hindi ko natanaw.

naiwan ako sa paglipad ng isandaang libong ibong maari kong angkasan
para malapit sa'yo.
ngayon tuloy ay nakakulong pa rin ako sa tanikalang
umiipit sa aking pagod nang kaluluwa.

nakakabingi na rin ang katahimikang bumubulong sa aking nagiisa pa rin
ako
sa gitna ng malungkot at madayang mundo---- masasamahan mo kaya ako
na tawirin ang batis tungo sa walang katapusang ligaya?

dati "sana"; pero ngayon "ewan".