resolve

ayoko nang tumingin sa 'yong mga larawan
dahil tila kidlat ka
na namang gigiising sa natutulog
ko nang alaala.

pano kung mamasdan ko na naman ang init
na hatid ng perlas mong mga mata?
pano mapapawi ang sunog
na dadalhin nito?
hindi naman aagos ang pag-ibig mo
tungo sa apoy na meron ako.

patawad, pipiliin kong hindi magmasid
sa mga labi
mong dati humubog sa aking bawat araw.
ayoko nang muling lumutang-lutang
gaya nung araw na ika'y lumisan.

hindi ko na tutulayin muli ang bawat letra ng
'yong pangalan.
mali ako.
hindi ko mababagtas ang daan sa puso mo.