ngayon,

habang patuloy sa pag-ikot ang ulo ko dahil sa tagay
at sa kakaisip kung ano na ang mangyayari sa atin,
tinext kita "mzta na glit k p ba? sowi na :-)"

pilit kong pinagkakasya sa limitadong espasyo
ang hindi makukulong kong damdamin.
"gising ka pa ba? gs2 ktang mkausap weh."

lumipat na ako ng pwesto,
tumayo, umupo, sumandal,
yumuko, pero...
"cguro nga 2log kna, nyte, i'm so sorry."

hindi pa rin ako kuntento
sa ideyang mahimbing ka na nga. habang ako,
pilit nilulunok ang mapait na serbesa, para kahit
sandali eh malimutan ang nangyaring problema.

tumba.

ubos na ang kahon-kahong beer na kanina's
tila lulunurin kami sa rami.
pero ako, gising pa rin at nag-aabang.
baka sakali kasing sumagot ka ng:
"nsan knb?"